.jpeg)
رواية حبي الاول الفصل الواحد والثلاثون 31 بقلم نيرة عبد الله
وتانى يوم شيماء صحيت على رنة من تليفونها
شيماء بصوت نوم الو مين
أحمد بضحك: الكسلانة اللي لسه نايمه
شيما: يعم انا ما صدقت خلصت امتحانات سبني انام براحتي ده انا مكنتش بنام
أحمد: طب كفايه عليكي نوم كده والبسي وتعالي
شيما: لا سبني انام شويه
احمد: علي العموم انتي اللي هتضيعي المفاجاه
شيما بفضول: مفاجآه اي قولي عشان خاطري
أحمد بضحك: لما تيجي هتعرفي يلا باي متتأخريش
وقفل معاها وبعت ليها اللوكيشن
شيما باستغراب: غريبه ده لوكيشن اوتيل يتري عاملي مفاجآه اي هناك
وقامت اخدت شاور ولبست(بنطلون جينز لونه ازرق غامق وبلوفر لونه كشمير وطرحة بيضة وكوتشي ابيض مع مكيب خفيف وبيرفيوم)؛واستغربت ان محدش كان في البيت ورنت علي باباها ومراد بس محدش ليهم رد وبعتت ليها انها راحة لأحمد؛ وطلبت اوبر وبعد نص ساعه جه الاوبر وركبت وراحت علي العنوان
ووصلت الاوتيل ودخلت لاقت احمد مستنياها وكان لابس(بنطلون اسود وشيميز ابيض وكوتشي أسود وساعه جلد سوده وبيرفيوم وسرح شعره بطريقة جذابه)
أحمد: اي الجمال ده
شيما: والله الكلام ده يتقالك انت اي الشياكه اللي انت فيها دي كانك عريس
احمد بضحك: ما انا فعلا عريس وانتي عروستي
شيما: تقصد اي
أحمد باس إيديها: اقصد ان انهارده خطوبتنا
شيما: خطوبتنا ازاي يعم انت انا مش فاهمه حاجة
أحمد بضحك: طب تعالي وانا افهمك؛ وخدها وطلعوا علي جناح وكان موجود فيه( بابا شيما ومروه ومراد ونور وبسمه واهل احمد)
بسمة: مبروووك ي عروسه مبروووك
شيما: عروسه ازاي يعني انا مش فاهمه حاجة
بابا شيما: انا هفهمك ي حبيبتي احمد جه واتكلم معايا انه عاوز يعمل الخطوبه بعد ما تخلصوا امتحانات وكان عاوز يفاجئك بكل حاجة وانا في الاول كنت معترض بس بعد زن كبير منه انا واقفت وقرائنا الفاتحة
شيما: ازاي يعني تقرئوا فاتحتي وانا مش موجوده وبعدين دي خطوبتي انا يعني انا اللي اختار فيها الديكور والفستان وكل حاجة
مراد: الديكور ي ستي انا اللي اختارته ليكي
شيما: طالما انت اللي اختارته يبقي انا اطمنت؛ طب والفستان
نور: الفستان انتي كمان اختارتيه بنفسك فاكره الفستان اللي ورته ليكي وعجبك اوي وقولتي يارب يفضل موجود عشان اشتريه في خطوبتي اهو ده فستان خطوبتك والميكب ارتست اللي بتحبيها برضوا جات
شيما بصت لاحمد بحب: انت عملت كل ده عشان تفاجئني
أحمد: لو اطول اجبلك نجمه من السما هعمل كده
مراد بضحك: خف ي حنين شويه
احمد بضحك: الاه خطيبتي
مراد: لسه مبقتش خطيبتك لما تبقي بقي
احمد: كلها ساعات وتبقي خلاص
بسمة: طب يلا بقي عشان العروسه تلحق تجهز؛ وأخدوا شيما وراحوا الجناح بتاعها
وكان جناح شيما متزين بالبلالين والورد؛ وكانت الميكب ارتست مستنياها وبدات تعمل ليها الميكب وكان ميكب خفيف وأظهر جمال ملامحها؛ وبعد كده لبست الفستان وكان فستان لونه بيج سك ومتطرز تطريز بسيط واكستنشن بديل طويل بيتشال مع طرحة نفس اللون وهيلز شفاف وبيرفيوم
شيما: اي رايكم ي بنات
نور: زي القمر ي شيمو وحضنتها
بسمة: اللهم بارك جميل اووي وحضنتهاا
الباب خبط؛ وباباها ومراد دخلوا
مراد: زي القمر ي قلب اخوكي وباس جبينها
باباها: كبرتي وبقيتي عروسه ي نور عيني وحضنها
شيما حضنتهم بدموع وقالت: ربنا يخليكم ليا
مروه: لا لا مش عاوزين دموع ويلا عشان عريسك مستني
شيما مسحت دموعها ومسكت ايد باباها ومراد ونزلوا تحت وكان احمد مستنياها ولابس(بدله سوده بيج وقميص ابيض وكوتشي ابيض وساعه فضي ومسرح شعره بطريقة جذابة وبريفوم) وكان ماسك البوكيه
أحمد اول ما شافها راح ليها وباس جبينها وايديها وبصلها بحب وقال: اي الجمال ده
شيما بحب وكسوف: وانت كمان حلو اوي
احمد بصلها بحب وقرب منها وقالها بهمس: بعشقك
شيما: وانا بحبك
أحمد شالها ولف بيها والكل كان بيسقف ويصورهم؛ وبعدها جه المصور وصورهم صور رومانسية والكل اتصور معاهم
وبعدها جه وقت دخولهم القاعه ودخلوا سوا علي اغنيه(مبروك علينا) وكان فيه شو فاير حواليهم وبعدها رقصوا أسلو علي اغنيه(معاك قلبي)؛ وشيما كانت بتبص لاحمد بحب وهو كان بيبادلها نفس النظرات
أحمد: سرحانة في اي
شيما: فيك انت
احمد بضحك: فيا ازاي
شيما: مش مصدقه انك خلاص بقيت ليا انا وبس وان حلمي طول السنين اللي فاتت دي اننا نبقي لبعض اتحقق بس في نفس الوقت خايفه تبعد عني
احمد: طول ما انا جنبك اياكي تخافي الخطر خلاص بعد عننا ومعتش موجود ووعد مني ليكي اني هفضل معاكي لاخر العمر ومش هيفرقني عنك غير الموت وبس
شيما: بعيد الشر متقولش كده ربنا يخليك ليا ويطول في عمرك
أحمد: بحبك
شيما: وانا بدمنك
أحمد شالها ولف بيها وسط تسقيف الكل
وبعد كده اشتغلت اغنيه(خطوه) واحمد وشيما رقصوا عليها والكل طلع رقص معاهم وكان فرحان ليهم؛ وبعد شويه جه وقت تلبيس الدبله ومروه كانت شايله صينه الشبكه
أحمد لبس شيما الدبله وباس ايديها وقال: اياكي تخعليها من ايدك
شيما: ابداا دي بقت حته مني خلاص
احمد بصلها بحب وباس إيديها وجبينها وكمل تلبيس الشبكه؛ وبعدها شيما لبست أحمد الدبله وكان كاتب عليها اسمها وتاريخ اول مره شافها فيها
شيما: انت حر علي نفسك لو شوفتك قالعها
أحمد بضحك: طول ما انا فيا نفس عمري ما هقلعها
شيما: بس انت ليه مكتبتش اسمك علي دبلتي
احمد: قولت يمكن متحبيش كده
شيما: ازاي يعني محبش كده انت اسمك محفور جوا قلبي ي احمد ازاي مش هبقي مبسوطه لما يتكتب علي دبلتي
أحمد: باس ايديها ولا تزعلي بكرا هاخدك ونكتبه عليها
شيما: اتفقنا بس قولي اي التاريخ اللي كاتبه علي الدبله ده حتي مش تاريخ خطوبتنا
أحمد بصلها بحب: ده تاريخ اول مره عيني شافت فيها اجمل وارق بنوته في العالم واللي بسببها عرفت يعني اي الحب وانك تحارب عشان تبقي مع اللي بتحبه
شيما كانت بتبصله بحب والدموع نازله من عنيها وقالت: انا بحبك اووي ي احمد انت عوض ربنا ليا عن حاجات كتير اووي
أحمد مسح دموعها: وانا بعشقك ي قلب احمد
والمصور طلع وصورهم مع بعض صور رومانسية
مراد لنور: ممكن حبيبه قلبي تقعد بقي انتي تعبتي اوي
نور: تعبت اي بس انا فرحتي بيهم نستني التعب ربنا يحميهم لبعض
مراد: يارب ي نور عيني بس تعالي ارتاحي شويه وبعدها ابقي قومي تاني وياريت نخف رقص شويه ها
نور بضحك: بتغير عليا
مراد: انا بغير عليكي من نفسي ي نور ولو اطول اخبيكي من عيون الناس هعمل كده
نور حضنته بحب: أنا بحبك اووي
مراد باس جبينها: وانا بموت فيكي؛ تعالي استريحي بقي
نور: لو هقعد في حضنك موافقه
مراد: وآنا وحضني تحب أمرك
نور بضحك: طب يلا؛ وراحوا قعدوا واتصوروا سوا
وبعد شويه اشتغلت اغنيه وياه واحمد وشيما رقصوا عليها بفرحة والكل طلع رقص معاهم وكان فرحانين لهم من قلوبهم؛ وجات فقره تقطيع التورته وكانت عباره عن(3) ادوار واحمد اكل شيما وشيما اكلته بكسوف
وبعد وقت خلصوا الخطوبه والكل كان فرحان ومبسوط وروحوا بيوتهم وناموا بفرحة وسعاده
عدي 3 اسابيع بعد الخطوبه وشيما واحمد كانوا فرحانين ببعض واحمد كان بيعمل كل حاجة عشان شيما تبقي مبسوطة شيما كان بتحمد ربنا علي وجود احمد في حياتها
ومراد ونور كان حبهم لبعض بيزيد كل يوم
وجه يوم ظهور النتيجة
بابا شيما: سمي الله ي حبيبتي وادخلي علي موقع الكليه وايا كان تقديرك هفضل فخور بيكي
شيما حضنته: حاضر ي بابا وقالت في سرها بسم الله ودخلت الموقع وفضلت مصدومه شويه
مروه: اي ي بنتي عملتي اي
شيما بدموع: نجحت بامتياز
مروه حضنتها: مبرووك ي شيمو مبرووك
بابا شيما حضنها: مبرووك ي نور عيني وباس جبينها
شيما حضنتهم: الله يبارك فيكم ربنا يخليكم ليا يارب
مروة: اتصلي علي نور واحمد شوفيهم عملوا اي
شيما: حاضر هتصل اهو
شيما اتصلت على نور؛ ونور ردت عليها
نور بفرحة: نجحت بامتياز ي شيمووو
شيما بفرحة: وانا كمان ي قلب اختك
نور: مبروك ي حبي بس البت بسمه عملت اي
شيما: نجحت هي كمان وقالتلي كمان ساعه وهتيجي
نور: اشطا اول ما مراد يجي هجيبه واجي عندكم
شيما: اتفقنا مستنياكي وقفلت معاها
ورنت علي احمد بس مردش ورنت عليه اكتر من مره بس مكنش بيرد
بابا شيما: ها ي حبيبتي رد عليكي
شيما بقلق: لا ي بابا انا قلقانه اووي بفكر البس واروحله
بابا شيما: طب يلا وانا هاجي معاكي
شيما: تمام هدخل البس اهو
شيما راحت تلبس بس الباب خبط وراحت تفتح واتصدمت لما شافت.......
حبي الاول بقلم نيره عبدالله
